लोसपाले संविधान दिवसका दिन बिरोध कार्यक्रम गर्ने

राजविराज । लोकतान्त्रिक समाजवादी पार्टी (लोसपा) ले संविधान दिवसका दिन बिरोध कार्यक्रम गर्ने भएको छ । आगामी असोज ३ गते संविधान दिवस मनाइँदैछ ।

लोसपा केन्द्रीय कार्यसमितिको बैठकले संविधानमा आफूहरुको पूर्ण सहमति नरहेको भन्दै संविधान दिवसलाई बिरोध दिवसको रुपमा मनाउन कार्यकर्तासँग आग्रह गरेको छ । संविधानको पूर्णताका निम्ति लोसपाले उठाएका मागहरु समेटी संविधान संशोधन नहुन्जेलसम्म बिरोधी रहीरहने भन्दै बैठकपछि अध्यक्ष महन्थ ठाकुरले जारी गरेको बिज्ञप्तीमा भनिएको छ, ‘तसर्थ उक्त दिनलाई बिरोध दिवसको रुपमा मनाउन पार्टीका सम्पूर्ण नेता, कार्यकर्ता तथा शुभचिन्तकहरुलाई पालिकास्तरसम्म बिरोधका बिभिन्न कार्यक्रम गर्न आग्रह गर्दछौं ।’