गंगा साह
भारदह । १३ बर्षअघि अपहरणमा परेका व्यक्तिको कुनै किसिमको खोजखबर नआएपछि क्रियाकर्म गरिएको छ ।
अहिलेको हनुमाननगर कंकालिनी नगरपालिका वडा नम्बर १ (विगतको भारदह गाविस) बस्ने कृष्णदेव विश्वासको अवस्था पत्ता नलागेपछि उनको क्रियाकर्म र श्राद्ध गरिएको छ । ११ असार २०६३ को राति विश्वासको घरबाटै अपहरण भएको थियो । चारैतिर खोजबिन गरेपनि उनको अवस्था पत्ता लाग्न सकेको छैन् ।
अवस्था पत्ता लाग्न नसकेपछि विश्वासको बिहीबार श्राद्ध र क्रियाकर्म गरिएको उनकी पत्नी चनरदेवीले बताइन् । ‘धेरै ठाउँमा खोजी ग¥यौं, तर फेला परेनन्’ उनले भनिन्, ‘थाहा नलागेपछि उहाँको क्रियाकर्म गरेका छौं ।’
आमाबुवासहित एक पत्नी, दुई छोरा र एक छोरीका पिता कृष्णदेवको केहि व्यक्ति मिलेर अपहरण गरेका थिए । अपहरण भएपछि उनको अवस्था हालसम्म अज्ञात नै रहेको छ ।
विश्वास नेपाली कांग्रेससँग आबद्ध थिए । उनको श्राद्ध गरिरहँदा पुगेका कांग्रेसका नेताहरुले उनको स्मरण गर्दै श्रद्धाञ्जली अर्पण समेत गरेका छन् ।
