राजविराज । हङकङमा जारी सुपर सिक्सेस अन्तर्राष्ट्रिय क्रिकेट प्रतियोगितामा नेपालले विश्व विजेता इंग्ल्याण्डलाई पराजित गरेको छ ।
आज बिहान भएको खेलमा नेपालले इंग्ल्याण्डलाई ६ विकेटले पराजित गर्दै सनसनीपूर्ण जित निकालेको छ ।
टस हारेर पहिला व्याटिङ गरेको इँग्ल्याण्ड ६ विकेट गुमाएर ९७ रन बनायो । जसमा कप्तान रवि बोपाराले १२ बलमा ४९ रन बनाए । उनले एक चौका र सात छक्का प्रहार गरे । समित पटेलले १७ बलमा ३९ रन बनाए । नेपाली बलर प्रतिश जीसीले तीन विकेट लिँदा विवेक यादव, नारायण जोशी र लोकेश बलमे १÷१ विकेट लिए ।
जवाफमा नेपाल बिना कुनै क्षतिको जित निकाल्न सफल भयो । नेपालले ४.२ ओभरमा ९९ रन बनाउँदै जीत हासिल ग¥यो । नेपालको जितमा कप्तान सन्दीप जोरा १२ बलमा ५० रन बनाए । उनी ४ चौका र ६ छक्का हानेर ५० रन बनाउँदा रिटायर्ड हट भए ।
रसीद खानले ५ बलमा २१ रन बनाउँदा लोकेश बमले ११ बलमा २० रन बनाए ।
नेपाल प्रतियोगिताको समूह ‘बी’ मा रहेको छ । यस समूहको तेस्रो टिम अस्ट्रेलिया रहेको छ । नेपालले अब शनिबार अस्ट्रेलियासँग प्रतिस्पर्धा गर्नेछ ।
