राजविराज । बाटोमा खुट्टा कटेर रक्ताम्य भएकी एक बालिकाको नेपाली सेनाले उद्धार गरी उपचार गरिदिएको छ ।
अति संवेदनशिल गोबरगाढाबाट गस्ती गरी फर्किरहेका नेपाली सेनाको टोलीले बाटोमै ती बालिकाको खुट्टा कटेर रगत बगिरहेको देखेपछि उद्धार गरी उपचार गरेका छन् ।
जिल्लाको हनुमाननगगर कंकालिनी नगरपालिका वडा नम्बर १३ स्थित गोबरगाढामा सेनासहित संयुक्त सुरक्षाकर्मीको टोलीले दैनिक गस्ती गर्दै आएको छ । बुधबार गस्ती गरी फर्किने क्रममा कोशी छेउमा ती बालिकाको खुट्टा कटेर रगत बगिरहेको दृश्य सेनाले हेरेका थिए ।
हनुमाननगर कंकालिनी नगरपालिका वडा नम्बर १० इनर्वा निवासी १३ बर्षीया शिवकुमारी सदाको खुट्टाबाट रगत बगिरहेको देखेपछि सेनाको टोलीले उद्धार गरी कदमाहास्थित आफ्नो क्याम्पमा लगी उपचार गरेको नेपाली सेनाको बरख गणले जनाएको छ ।
बालिकाको उपचार गरी परिवारजनको जिम्मा लगाइएको नेपाली सेनाले जनाएको छ ।
